Üzbäkstan xalqı 36 millionnan artqan

Üzbäkstanda xalıq sanı 1 nçe ğıynwarğa 36 million 24 meñ 946ğa citkän.

Bu xaqta Üzbäkstan däwlät statistika agentlığı xäbär itä.

Agentlıq beldergänçä, 2022 nçe yılnıñ 1 nçe ğıynwarında ildäge xalıq sanı 35 milion 271 meñ 346 bularaq terkälgän, 2023 nçe yılnıñ 1 nçe ğınwarında isä 36 million 24 meñ 946 ğa citkän. Şulay itep il xalqı 1 yılda 753,6 meñgä artqan.

İl xalqınıñ 18 million 335,7 meñe şähärlärdä, 17 million 689,2 meñe awıl cirendä yäşi.

Üzbäkstan xalqınıñ 18 million 128 meñ 578en ir-atlar, 17 million 896 meñ 368en xatın –qızlar täşkil itä.

Üzbäkstan Bäysez däwlatlär berlegendä iñ yäş’ häm xalıq sanı tiz arta torğan il bulıp sanala.