Qazaqstanda salqın hawa torışı saqlana

Qazaqstanda Tön’yaq qotıp antiśiklonı arqasında bu atnada salqın hawa torışı saqlanaçaq.

Qazaqstan milli metereologiya üzäge xäbär itkänçä, antiśiklon ilneñ tön’yağınnan könyaq öleşenä taba küçä başlağan.

Üzäk bu atnada ilneñ könçığış häm tön’yaq öleşlärendä hawa temperaturası -40 gradusqa, kön’yaq häm könbatış öleşlärendä 30-35 gradusqa qadär töşärgä mömkin dip kisätkän.

İldäge köçle salqınnar arqasında küp töbäklärdä, şul isäptän başqala Astanada, mäktäplär distanśion belem birügä küçä, aêroportlarda reyslar kiçekterelä.

Êçke êşlär ministrlığu naçar hawa torışı arqasında dizel’ belän êşläwçe maşinalar häm yulçı avtobuları belän yıraq aralarğa säyäxätneñ waqıtlıça tıyılğanın belderä.