Qazaqstanda Makdonal'dslar yabıldı
Monı täêminat çikläwläre belän añlatalar
Amerikanıñ tiz xezmät kürsätüçe restorannar çeltäre Makdonal’ds Qazaqstandağı êşçänleklären tuqtatuın belderde. Şirkätneñ älege ildäge ofisınnan yasalğan belderüdä bolay diyelä: “Fud Solyuşn KZ êşlätä torğan tiz xezmät kürsätüçe restorannar çeltäre, täêminat çikläwläre säbäple, Qazaqstanda Makdonal’ds iseme astındağı êşçänlegen tuqtattı”.
Belderüdä restorannarnıñ yaña isem belän êşli başlayacağı häm anıñ açılış waqıtı tizdän xäbär iteläçäge äytelä. “Küçkännän soñ şirkätneñ kiläçäge belän bäyle barlıq sorawlarğa cawap bireläçäk” diyelä anda.
Qazaqstandağı Makdonal’ds restorannarı 2022nçe yılnıñ 18nçe noyabrennän başlap, cirle täêminat çikläwläre säbäple, êşçänleklären waqıtlıça tuqtatuların xäbär itte. Alar älege ildä berençe noqtaların 2016nçı yılda açtı. Qazaqstanda yaqınça 2 meñ keşe êşli torğan 24 Makdonal’ds restoranı bar ide.