Qazaqstan Türkiyädän qoral alırğa planlaştıra

Qazaqstan qorallı köçlärendä yaña tözelgän maxsus berlek öçen törek şirkäte yasap çığarğan köbäle xärbi texnika alunı qarawları belderelde.   

Qazaqstan saqlanu ministrı urınbasarı Soltan Kamaletdinov başqala Astanada ütkärelgän matbuğat oçraşuında armiyädäge reformalar turında mäğ’lümat citkerde. Ul ğıynvarda ilbaşı Qasıym-Cumart Toqayıv qararı belän Qazaqstan qorallı köçläre saflarında maxsus köçlär komandalığı qorıluın häm älege berlektä xezmät itäçäk ğaskärilärneñ maxsus öyränü uzuın söyläde. Xäzer alarnı qoral häm başqa kiräk-yaraqlar belän cihazlandıru öçen êşçänlek alıp barıla.

Bu qısalarda törek şirkätläre yasap çığarğan texnikanı da küzdän kiçerälär.  

“Teläsä-qaysı xärbi qoralnıñ maxsus wazıyfalarnı başqaru öçen yasaluın açıq añlarğa kiräk. Törek şirkätläre yasap çığarğan köbäle texnikanıñ dokumentları bezdä bar. Berniçä däwlät alarnı satıp alğan. Şul säbäple qorallı bäreleşlärdä sınalğan,”-dide räsmi zat.  

Kamaletdinov monnan tış Qazaqstan armiyäsendä İzrail häm Qıtayda yasalğan keşesez hawa appartaları barlığın da äytä. “Xäzer isä Türkiyäneñ citeşterüe üzebezdä oyıştırılaçaq keşesez hawa apparatların satıp alu planlaştırıla,”-dide ul.  

Monnan alda Otokarnıñ Qazaqstanda köbäle xärbi texnika citeşterergä uylawı belderelgän ide.