“Sibğat çişmäse”ndä törek keşese tatarça şiğır’ uqıdı
Tatarstanda tanılğan tatar şağıyre Sibğat Xäkimneñ icatına bağışlap ütkärelgän bäygedä Türkiyädän Gültäkin Därin gran-pri bülägenä layıq buldı
1922974
Ataqlı tatar şağıyre Sibğat Xäkimneñ icatına bağışlap, Tatarstanda “Sibğat çişmäse” dip isemlängän bäyge 2022nçe yılda Cömhüriyät külämendä ütkärelde. Ädipneñ tuğan yağı Ätnä rayonı Külle Kime awılında ciñüçelärne qotlaw çarası oyıştırıldı, şiğır’lär yañğıradı.
Bıyılğı bäygedä Türkiyädän dä qatnaşuçılar buldı. Törek keşese Gültäkin Mäxmät ulı Därin tatarça uqığan şiğire belän qatnaşqan konkursnıñ gran-pri bülägenä layıq buldı.
Gültäkin äfändeneñ xäläl cefete, tatar qızı Fardiya Fidail qızı Därin isä şiğır’ne törek telendä uqıdı.
Gültäkin häm Fardiya Därin parınıñ Sibğat Xäkimneñ şiğıren tatar häm törek tellärendä niçek itep uqığanın videoyazmadan qarıy alasız.
