Äliyıv: “Zängäzur koridorı 2024tä tämamlanaçaq”

Äliyıv Törekmänstannıñ Avaza töbägendä oyıştırılğan Türkiyä-Azärbaycan-Törekmänstan Däwlät başlıqlarınıñ berençe sammitında çığış yasadı.

Äliyıv, Azärbaycannıñ häm Türkiyä häm dä Törekmänstan belän säyäsi mönäsäbätläreneñ yuğarı däräcädä buluın iskärtep uzıp, Türkiyä belän qul quyılğan Şuşa bäyannamäse belän mönäsäbätlärne strategik berlektäşlek däräcäsenä citkerülärenä iğ’tibarnı yünältte.

Azärbaycan, Türkiyä häm Törekmänstannıñ transport häm logistika ölkäsendä zur uñışlarnı tormışqa aşırıp küp sanda proyıktnı başqaruların belderüçe Äliyıv: "Bolar da transport bäyläneşläre öçen yaña mömkinleklär aça. Här öç ildä bu ölkädäge investiśiyälär zamanca asqormanıñ salınuına öleş kertte. 2022nçe yılnıñ berençe 10 ayında Azärbaycannan uzğan ğomum tranzit transport xäräkäteneñ küläme uzğan yılnıñ şuşı uq çorına qarağanda 80%tan tağın da kübräk arttı”, - dip bäyäläw yasadı.

Äliyıv, Zängäzur koridorınıñ açıluı öçen êşläwlären belderep: "Zängäzur koridorınıñ Azärbaycannan uzğan öleşendä timer yulınıñ 40%, avtoyulnıñ 70% tämamlandı. Êşlär 2024nçe yılda tögällänäçäk häm näticädä yaña yök taşu koridorı buldırılaçaq”, - dide.

Azärbaycan Däwlät başlığı: "2020nçe yılda 44 könlek suğışta ireşelgän ciñü näticäsendä cirlärebez Ärmänstannıñ 30 yıllıq okkupaśiyasınnan azat itelde. Qarabax probleması xäl itelde häm bu ciñü töbäktä yaña transport proyıktları öçen uñaylı mömkinlek tudırdı”, - dip äytte.