Qazaqstanda Toqayıvneñ ciñüe töğäyın bilgele buldı

Qazaqstanda xäzerge İlbaşı Qasıym Cumart Toqayıv waqıtınnan êlek Däwlät başlığı saylawında, tawışlarnıñ 81,31%ın alıp, wazıyfasına yañadan saylandı

1909471
Qazaqstanda Toqayıvneñ ciñüe töğäyın bilgele buldı

Qazaqstan Üzäk saylaw komissiyası 20nçe noyabr’dä ütkärelgän waqıtınnan êlek ilbaşı saylawınıñ töğäyın näticälären açıqladı.

Monıñ nigezendä 6 namzät yarışqan saylawnı tawışlarnıñ 81,31%ın alğan Toqayıv ciñde.

Yaqınça 12 million terkälgän saylawçınıñ 8 million 300 meñe qatnaşqan saylawda wazıyfadağı İlbaşı Toqayıvqa 6 million 456 meñ 393 keşe tawış birde.

Başqa kandidatlar Jiguli Dayrabeyav 3,42% (271 meñ 641 keşe), Karakat Abden 2,60% (206 meñ 206 keşe), Meiram Kajıken 2,53% (200 meñ 907 keşe), Nurlan Auesbayıv 2,22% (176 meñ 116 keşe) häm Saltanat Turısbekova 2,12% (168 meñ 731 keşe) tawış külämenä iyä buldı.

Saylawçılarnıñ 5,8%ı (460 meñ 484 keşe) şuşı saylawda tawış byulletenendä täwge tapqır yazılğan “barısına da qarşı” variantın saylağan.

Toqayıv 26nçı noyabr’dä başqala Astanada ütkäreläçäk tantanada ant itäçäk.



Bäyläneşle xäbärlär