Törki däwlätlär oyışması sammitı Sämärqandta başlandı

Üzbäkstan İlbaşı Şäwkät Mirziyayıvneñ qabul itüendä "Törki śivilizaśiya öçen yaña çor: urtaq üseşkä häm mullıqqa taba" teması belän oyıştırılğan yuğarı däräcäle oçraşu aldınnan liderlar ğailä fotosürätenä töşte.

İlbaşı Räcäp Tayyip Ärdoğan "Mäñgelek şähär" Kongress üzägenä kergän çaqta Mirziyayıv tarafınnan qarşı alındı.

Kongress üzägendä töşerelgän ğailä fotosürätendä Türkiyä İlbaşı Ärdoğan, Üzbäkstan Däwlät başlığı Mirziyayıv, Azärbaycan İlbaşı İlham Äliyıv, Qazaqstan Däwlät başlığı Qasıym Cumart Toqayıv häm Qırğızstan İlbaşı Sadır Caparov belän küzätüçe illärdän Törekmänstan Milli Şurası Xalıq kiñäşmäse başlığı, Törekmänstannıñ êlekke İlbaşı Gurbangulı Bärdimöxämädov häm Vengriya (Macarstan) Baş ministrı Viktor Orban üz urının aldı.