Äliyıv häm Paşinyan oçraşa

Oçraşu Çexiya başqalası Prahada (Pragada) uza

1889046
Äliyıv häm Paşinyan oçraşa

Ärmänstan Baş ministrı Nikol Paşinyan berençe tapqır ütkäreläçäk Awrupa säyäsät cämğıyäte cıyılışında Azärbaycan İlbaşı İlham Äliyıv, Franśiya Däwlät başlığı Êmmanuêl’ Makron häm Awrupa Berlege Şurası başlığı Şarl’ Mişel’ belän dürt yaqlı söyläşü uzdıraçaq.

“Armenpress” xäbär itüençä, Paşinyan: "Awrupa säyäsät cämğıyäte sammitında qatnaşu öçen Prahağa kitäm. Anda min, Azärbaycan İlbaşı, Franśiya Däwlät başlığı häm Awrupa Berlege Şurası başlığı arasında dürt yaqlı söyläşü planlaştırıla”, - dip belderde.

Çexiya başqalası Prahada (Pragada) 27 Awrupa Berlege ile belän bergä Awrupa Berlege äğ’zase bulmağan 17 Awrupa ile çaqırılğan cıyılış bügen ütkärelä.

Yuğarı däräcäle oçraşuda Türkiyä İlbaşı Räcäp Tayyip Ärdoğannıñ da qatnaşuı kötelä.

Cıyılış axırında räsmi beldergeneñ yasaluı yäki räsmi qararlarnıñ qabul itelüe küzdä totılmıy.



Bäyläneşle xäbärlär