Kollektiv qurqınıçsızlıq oyışması Rusiyä-Ukraina suğışında qatnaşmıy

Qazaqstan Tışqı êşlär ministrlığı süzçese Aybäk Smadiyarov Kollektiv qurqınıçsızlıq kileşüe oyışmasına äğ’za illärneñ xärbi berlekläreneñ Rusiyä belän Ukraina arasındağı suğışta qatnaşmawın belderde

1887854
Kollektiv qurqınıçsızlıq oyışması Rusiyä-Ukraina suğışında qatnaşmıy

Smadiyrov atnalıq matbuğat oçraşuında yasağan belderüendä Qazaqstannıñ xalıqara xoquq häm Berläşkän Millätlär Oyışması nigezläre qısalarında däwlätlärneñ cir bötenlege, suverenlıq tigezlege häm tınıçlıq êçendä yäşäwlären yaqlawın citkerde.

Kollektiv qurqınıçsızlıq kileşüe oyışmasınıñ wazıyfa töbägeneñ oyışmağa äğ’za illärneñ xalıqara mäydanda tanılğan çiklärne üz êçenä aluına basım yasawçı Smadiyarov,

"Kollektiv qurqınıçsızlıq barı tik şuşı çiklär öçen genä ğamäldä. Şuña kürä Rusiyä-Ukraina tartqalaşuı töbägendä Kollektiv qurqınıçsızlıq kileşüe oyışmasınıñ qatnaşuı mäs’äläse kön tärtibendä tügel”, - dip äytte.

Şul uq waqıtta Qazaqstanda Kollektiv qurqınıçsızlıq kileşüe oyışmasına äğ’za illärneñ aşığıç xäräkät berämlekläreneñ künegüläre däwam itä.

Qazaqstan saqlanu ministrlığınnan yasalğan yazmaça belderüdä 3nçe üktäbr’dä xärbi künegülärdä aktiv êtapqa uzıluı häm 7nçe üktäbr’dä qadär däwam itäçäge mäğ’lümate urtaqlaşıldı.

İlneñ kön’yağındağı Cambıl vilayätenä bäyle Matıbulak cirlegendä öç ayırım başça astında uzdırılğan künegülärdä Kollektiv qurqınıçsızlıq kileşüe oyışmasına äğ’za illärdän barlığı 6 meñ 500dän kübräk ğaskäri belän bergä 850dän artıq xärbi texnika qatnaşa.



Bäyläneşle xäbärlär