Qazaqstanğa Rusiyädän kitüçelär artqan

Qazaqstan ilgä Rusiyä watandaşlarınıñ kilüe belän bäyle täräqqıyätlärne yaqınnan küzätep baruların, citdi risklar barlıqqa kilgän oçraqta xalıqara häm milli qanunnar qısalarında kiräkle çaralarnıñ küreläçägen belderde

1883837
Qazaqstanğa Rusiyädän kitüçelär artqan

Tışqı êşlär ministrlığınnan yasalğan yazmaça belderüdä Qazaqstanda qayber watandaşlarnıñ ilgä Rusiyädän kilüçelärneñ sanındağı artudan borçıluı äytelde.

Belderüdä: “Şuña kürä monı açıqlaw faydalı bulır: Çit il keşeläreneñ Qazaqstan Cömhüriyätenä kerüen häm biredä qaluın bilgeläwçe prośedura bar. Xäzerge waqıtta böten bäyläneşle däwlät oyışmaları bu wazğıyätneñ daimi räweştä kontrolen täêmin itä”, - diyılde.

Qazaqstan cirlärendä qalğan här çit il watandaşınıñ ilneñ migraśiya qanunnarın ütärgä mäcbür buluına basım yasalğan belderüdä:

"Däwlät bar närsädän östen bulğan milli mänfäğätlärne saqlaw öçen citärle mexanizmğa iyä. Tirä-yaqtağı teläsä qaysı awır geopolitik wazğıyättä milli iminlek östenlege belän xäräkät itäçägebezne belderergä telibez”, - dip iskärtelep uzıldı.

Belderüdä ilneñ asqormasınıñ xäzerge migraśiya torışın awırlıq yäşänmiçä xäl itelüe öçen xezmät kürsätü mömkinlekläre qısalarında êşläwe citkerelde.

Wazğıyätneñ yaqınnan küzätelüenä basım yasalğan belderüdä: “Citdi risklar barlıqqa kilgän oçraqta xalıqara xoquq häm milli qanunnar iğ’tibarğa alınıp yaraşlı çaralar küreläçäk”, - dip äytelde.

Milli İminlek komitetı tarafınnan yasalğan belderüdä dä ilneñ Rusiyä belän çik buyı qapqalarında Qazaqstan yağına küçärgä teläwçelär sanınıñ artuı citkerelde.

Belderüdä xäzerge waqıtta 30 avtoyul çik buyı qapqasınıñ normal’ barışta êşläwenä iğ’tibar yünältelep: “Bolarnıñ dürtesendä yulçı häm maşina xäräkäteneñ artuı arqasında tığızlıq yäşänä. Wazğıyät maxsus kontrol’ astında totıla”, - mäğ’lümate urtaqlaşıldı.

Rusiyädä öleşçä mobilizaśiya iğ’lan itelgän könnän birle Rusiyä watandaşlarınıñ Qazaqstanğa ağımı däwam itä.

Soñğı täwlektä Qazaqstannıñ Rusiyägä çiktäş şähärlärdän Kostanay vilayätenä ber meñnän kübräk Rusiyä watandaşınıñ kitüe belderelä.



Bäyläneşle xäbärlär