Şanxay xezmättäşlek oyışması sammitı Sämärqandta başlandı

Şanxay xezmättäşlek oyışmasınıñ Däwlät başlıqları 22nçe cıyılışı Üzbäkstannıñ tarixi Sämärqand şähärendä başlandı

1880803
Şanxay xezmättäşlek oyışması sammitı Sämärqandta başlandı

Üzbäkstan İlbaşı Şäwkät Mirziyayıv räislegendä başlanğan yuğarı däräcäle oçraşuda Rusiyä Däwlät başlığı Vladimir Putin, Qıtay İlbaşı Şi Cinping, Qazaqstan Däwlät başlığı Qasıym Cumart Toqayıv, Qırğızstan İlbaşı Sadır Caparov, Tacikstan İlbaşı İmamali Rahman, Paqıstan Baş ministrı Şahbaz Şärif, Hindstan Baş ministrı Narendra Modi, küzätüçe illär Belarus İlbaşı Aleksandr Lukaşenko, Mongoliya Däwlät başlığı Ukhnaa Khurelsukh, İran İlbaşı İbrahim Räisi, çaqırılğan liderlar Türkiyä İlbaşı Räcäp Tayyip Ärdoğan, Törekmänstan Däwlät başlığı Särdar Bärdimöxämmädov häm Azärbaycan İlbaşı İlham Äliyıv qatnaşa.

Mirziyayev Şanxay xezmättäşlek oyışması äğ’zase Rusiyä, Qıtay, Qazaqstan, Qırğızstan, Tacikstan, Paqıstan häm Hindstan liderların kongress üzägendä qarşı aldı. Soñınnan liderlar sammit aldınnan bergä fotosürätkä töşte. İñ êlek Şanxay xezmättäşlek oyışması äğ’zase illärneñ liderları qatnaşuında başlanğan cıyılışya Mirziyayıv, açılış çığışın yasap, cıyılışnıñ kön tärtibe turında mäğ’lümat birde.

Şanxay xezmättäşlek oyışmasınıñ Sämärqand yuğarı däräcäle oçraşuında oyışma êşçänlegeneñ üsterelüe, regional’ säwdä külämeneñ arttırıluı, sänäğät häm transport ölkälärendä ike yaqlı xezmättäşlekneñ üsterelüe häm yäşel iq’tisad, innovaśiya, sanlı texnologiyalar, logistika, awıl xucalığı, mediśina häm başqa tarmaqlardağı urtaq proyıktlarnı häm êşçänlekne üz êçenä aluçı 30ğa yaqın dokumentnıñ qabul itelüe küzdä totıla.

Sammit axırında Sämärqand deklaraśiyäsenä imza salınaçaq.



Bäyläneşle xäbärlär