Qırğızstan belän Tacikstan qabat atışa
Qırğızstan milli iminlek däwlät komitetı matbuğat üzäge bäreleşneñ däwam itüen belderde
Qırğızstan belän Tacikstan çigendä qabat atışa başlağan çik buyı saqçılarınıñ 11e yaralandı.
Qırğızstan milli iminlek däwlät komitetı matbuğat üzäge bäreleşneñ däwam itüen belderde. Anda tacik yağının çik buyındağı awıllar Kulundu, Maksat häm Janı-Jer toraq punktların utqa totuı äytelä.
Şul uq waqıtta, räsmi çığanaqlardan alınğan mäğ’lümatlarğa qarağanda, Qırğızstan tışqı êşlär ministrı Cäänbäk Kulubayev belän Tacikstan tışqı êşlär ministrı Sirazetdin Muxritdin çik buyındağı wäzğıyät’ turında söyläşte. Alar problemalarnı säyäsi häm diplomatik yul belän çişü kiräklegen assızıqlıy.
Qırğızstan tışqı êşlär ministrlığı qanunsız häm cimergeç ğamälläre öçen Tacikstan tarafına protest yazması cibärde.
Qırğızstan häm Tacikstan çik buyı saqçıları arasında monnan aldağı könne bulğan bäreleştä qırğız yağında 2 keşe yaralanğan ide.
