Azärbaycanda şähitlär sanı artqan

Azärbaycanda Ärmänstan provokaśiyäse näticäsendä kilep çıqqan bäreleşlärdä şähit bulğan ğaskäri sanınıñ 71gä artuı belderelde

1880383
Azärbaycanda şähitlär sanı artqan

Azärbaycan saqlanu ministrlığı internet säxifäsendä şähit isemnäre yazılğan isemlekne yañarttı. Moña kürä isemlektä 12nçe sentyabr’dä Ärmänstannıñ provokaśiyäläre näticäsendä ike il çigendä başlanğan bäreleşlärdä şähit bulğan 71 ğaskärineñ iseme bar.

Ministrlıq monnan aldağı açıqlawında 50 ğaskärineñ şähit buluın iğ’lan itkän ide.

Azärbaycan saqlanu ministrlığı 12nçe sentyabr’ tönendä häm 13nçe sentyabr irtäsendä Ärmänstan armiyasınıñ çik buyınıñ Daşkäsän, Kälbäcär, Laçın häm Zängilan yünäleşlärendä kiñ qırlı provokaśiya yasawın beldergän ide.

Azärbaycan armiyasınıñ çik buyındağı qayber poziśiyaları, nığıtmaları häm sıyınır urınnarı minomyot belän bergä törle qorallar belän tuqtawsız ut astına alınğan ide. Azärbaycan ğaskäre Ärmänstan qorallı köçläreneñ atu noqtaların tuqtatu häm bäreleşlärneñ kiñäyüen totqarlaw öçen cawap qaytarğan, ärmän xärbi berleklärenä awır yuğaltular kiterelgän ide.

Ärmänstan Baş ministrı Nikol Paşinyan bäreleşlärdä 105 ärmän ğaskäriyıneñ ülüen açıqlağan, Azärbaycan da Ärmänstannıñ provokaśiyaları belän başlanğan bäreleşlärdä ülgän yaqınça 100 ärmän ğaskäriyıneñ mäyıtlären tapşırırğa äzer buluın beldergän ide.



Bäyläneşle xäbärlär