Qırğızstan Bayraktar TB2lär öçen baza tözede

Qırğızstanda Türkiyedän uzğan yıl satıp alınğan Bayraktar TB2 qorallı keşesez hawa apparatları öçen baza tözelde. Anıñ açılışında ilbaşı Sadir Caparov ta qatnaştı. Baza Qırğızstan milli qurqınıçsızlıq däwlät komitetı çik buyı sağı xezmätläreneke.

Açılış tantanasında ilbaşı Sadir Caparov Bayraktar TB2 hawa apparatına imzasın quydı. Ul üzeneñ çığışında tınıçlıq häm totrıqlılıqnıñ il çigennän başlanuın belderde, bazanıñ hawa kiñleklären häm çikne saqlaw wazıyfasın başqaraçağın assızıqladı.

Qırğızstan ilbaşı bazanı qarap çıqtı. Aña däwlät çiklären saqlawçı keşesez hawa apparatlarınıñ êşçänlege turında mäğ’lümat birelde.

Qırğızstan Bayraktar TB2 keşesez qorallı hawa apparatların Türkiyedän uzğan yıl satıp alğan ide.