Paşinyan Putin häm Makron belän söyläşte

Ärmänstan xökümätennän yasalğan belderüdä Paşinyannıñ Putin häm Makron belän söyläşüe waqıtında Azärbaycan-Ärmänstan çigendäge soñğı bäreleşlärgä tuqtalıp uzuı turında äytelde.

Şul uq waqıtta ärmän matbuğatı Baş ministr Paşinyannıñ tönge säğätlärdä xökümät binasında İminlek şurasın cıyuın xäbär itte.

Azärbaycan saqlanu ministrlığı Ärmänstan ğaskäreneñ kiçä kiçke säğätlärdä çik buyınıñ Daşkäsän, Kälbäcär häm Laçın yünäleşlärendä kiñ qolaçlı provokaśiya yasawın beldergän ide.

Azärbaycan-Ärmänstan çigendä ike il xärbi berlekläre arasında tığız bäreleşlär başlanğan ide.