Qaraqalpaqstandağı waqıyğalar

Qaraqalpaqstandağı waqıyğalar belän bäyle bularaq Üzbäkstanda 14 keşe qulğa alındı.

Üzbäkstan prokuraturasınnan belderülärençä, älege keşelär Qaraqalpaqstan avtonom cömhüriyäteneñ statusı belän bäyle maddälärne üzgärtü öçen qayber täq’dimnär yasalğannan soñ 1nçe-2nçe iyül’dä Nukus şähärendä başlanğan häm qanunsız ğamällärgä äwerelgän waqıyğalarda konstituśion tärtipne beterergä omtıluda ğayeplänä.

Qulğa alınuçılar arasında rizasızlıq çaraların oyıştıruçılar Davlätmurad Tacımıradov belän Azamat Turdanov ta bar.

Êçke êşlär ministrlığınnan yasalğan belderüdä il konstituśiyäsenä kerteläçäk üzgäreşlärne ber törkem watandaşnıñ yalğış añlawı äytelä.

Üzbäktsan ilbaşı Şäwkät Mirziyoyev älege rizasızlıq waqıyğalarınnan soñ Nukus şähärenä bardı häm andağı watandaşlarğa Qaraqalpaqstannıñ statusınıñ üzgärmäyäçägen belderde. Töbäktä çaralarnıñ däwam itüe arqasında 2nçe avgustqa qadär ğadättän tış xäl kertelde.

 Waqıyğalarda 18 keşeneñ ğomere özelde, şularnıñ 4se poliśiyä xezmätkäre. Monnan tış, 243 keşe yaralandı.