Äliyıv: “Azat itelgän töbäklärdä xalıqara transport bäyläneşe êşçänlege alıp barıla”

Törekmänstan başqalası Aşqabatta oyıştırılğan 6nçı Xäzär illäre Däwlät başlıqları sammitında çığış yasawçı Äliyıv Azärbaycan bularaq Xäzär belän çiktäş illärneñ xezmättäşlegenä bik zur ähämiyät birülärenä basım yasadı.

Äliyıv Xäzärneñ xoquqi statusı belän bäyle 2018nçe yılda Aqtawda imzalanğan dokumentnıñ köçenä kerüe belän yar buyındağı illär arasında kiñ qırlı bäyläneşne häm xezmättäşlekne maqsat itep alğan tağın da êffektiv çaralar öçen nıqlı yuridik nigez salınaçağın iskärtte.

Xäzärdä (Kaspiyda) transportnıñ ähämiyätenä tuqtalıp uzuçı İlham Äliyıv: "Bügen Azärbaycan – Awraziyanıñ möhim transport häm logistika üzäklärennän berse. Azärbaycan Könçığış-Könbatış häm Tön’yaq-Kön’yaq xalıqara transport koridorlarınıñ üseşendä ähämiyätle rol’ uynıy. Kaspiy ar’yağındağı xalıqara transport yulınıñ näticäle qullanıluı öçen tırışabız. Bu marşrut Xäzär buyındağı däwlätlärneñ transport potenśialınnan maksimum däräcädä faydalanuın täêmin itäçäk häm transport asqormasınıñ üsterelüe öçen yaña proyıktlarnıñ başqarıluı öçen şartlar tudıraçaq”, - dip äytte.

2nçe Qarabax suğışında (2020nçe yılnıñ sentyabr-noyabr’ ayları) Azärbaycan ireşkän ciñü turında da süz quzğatqan Äliyıv: "Azärbaycan Qarabax häm Könçığış Zängäzurnıñ yañadan tözelüe häm tözekländerelüe belän xalıqara transport bäyläneşläreneñ üsterelüe öçen kiñ qırlı êşçänlekkä başladı. Zängäzur koridorı monnan arı çınbarlıqqa äylänä”, - dide.

Äliyıv êkologik wazğıyät belän bäyle bularaq yar buyındağı illärneñ borçıluların urtaqlaşuların, Xäzärdäge êkologiya problemaların xäl itü öçen xezmättäşlekne kiñäytü yaqlı buluların belderde.