Qazaqstanda referendum uzdı
Xalıq ilneñ Töp qanunına üzgäreşlär kertü öçen tawış birde
1838067
Qazaqstanda xäzerge Konstituśiyäneñ öçtän beren üzgärtü öçen uzdırılğan referendumda, berençel näticälärgä qarağanda, rizalaşuçılar kübräk buldı.
19 million keşe yäşäwçe däwlättä 11 million 734 meñnän artıq saylawçı bar. Alarnıñ yaqınça 8 millionı (68%ı) kiçä “Qazaqstan cömhüriyäte Konstituśiyäsenä kerteläçäk üzgäreşlär häm östämälärne qabul itäsezme?” digän sorawğa cawap birü öçen saylawğa bardı. Tawış birüçelärneñ 77,18%ı “äye” dide, 18,66%ı isä qarşı çıqtı.
Referendumda uñay cawap çıqqan oçraqta, axırğı tapqır 1995nçe yılda qabul itelgän Konstituśiyäneñ 33 töp maddäseneñ üzgärtelüe häm, şunıñ näticäsendä, bıyıl ğıynvar ayı başında çıqqan massaküläm waqıyğalardan soñ ildä idarä sistemasınıñ qabat tözelüe maqsat itep quyıla.
