Ärmän xärbiläre Azärbaycan tarafına ut açqan
Ärmänstan ğaskäriläreneñ Azärbaycan poziśiyälärenä minomyotlar häm zur kalibrlı qorallar belän ut açuı belderelde
1837158
Azärbaycan saqlanu ministrlığınnan yasalğan belderüdä tönge säğätlärdä Kälbäcär vilayäteneñ Zäylik häm Yällicä awılları yünäleşendäge Azärbaycan poziśiyäläreneñ ärmän xärbi berlekläre tarafınnan ut astına alınuı äytelde.
Belderüdä Ärmänstan xärbi berlekläreneñ minomyot häm zur kalibrlı mıltıqlar belän ut açuı, Azärbaycan xärbi berlekläreneñ dä şunda uq cawap birüe iskärtelep uzıldı.
Azärbaycan xärbiläre arasında ğomere özelüçelärneñ bulmawına basım yasalğan belderüdä: "Ärmän yağı üz cämäğätçelek iğ’tibarın êçke barışlardan çitläşterü öçen zur kalibrlı qorallar qullanıp çik buyındağı wazğıyätne kiyırenkele itärgä tırışa. Provokaśiyälärneñ böten cawaplılığı Ärmänstan citäkçelegendä,” – dip äytelde.
