Azärbaycan häm Qırğızstan arasında strategik partnyorlıq

Qırğızstan İlbaşı Sadır Caparovnıň Azärbaycan oçraşuları qısalarında ike il arasında Strategik urtaqlıq beldergese häm bertörkem kileşülär imzalandı.

Azärbaycan İlbaşı idaräsennän yasalğan belderügä kürä, Caparov räsmi oçraşular ütkärü öçen kitkän Azärbaycan başqalası Baqıda İlbaşı İlham Äliyıv tarafınnan tantanalı räweştä qarşı alındı.

Tantanadan soň başta Äliyıv häm Caparov qara-qarşı küreşep söyläşte, annan soň wäkilleklärara söyläşülär ütkärelde.

Äliyıv üzara söyläşü waqıtında yasağan çığışında Qırğızstan belän här ölkädä aktiv bäyläneşne däwam itüdä täwäkkäl bulularına basım yasadı.

Qırğızstan belän Azärbaycan xalıqlarınıň qardäş buluın belderüçe Aliyıv iq’tisadi xezmättäşlek, transport, säwdä külämeneň arttırıluı häm regional’ iminlek kebek mäs’älälärneň ike ilneň kön tärtibendä buluın iskärtep uzdı.

Qırğızstan İlbaşı Caparov ta Azärbaycanlı qardäşläre belän xezmättäşlekkä härwaqıt äzer buluların citkerde.

Söyläşülärdän soň Äliyıv häm Caparov "Azärbaycan belän Qırğızstan arasında Strategik partnyorlıq turında belderge” belän ike il arasında däwlätlärara şuranıň buldırıluına qağılışlı memorandumğa qul quydı.

Ayıruça bäyläneşle ministrlar häm räsmi zatlar Azärbaycan belän Qırğızstan arasında mäğarif, media, awıl xucalığı, êlemtä, hawa transportı, avtor xoquqları häm finans ölkälärendä kileşülärgä qul quydı.