"Säwdä äyläneşen 10 milliardqa citkeräçäkbez"

Räcäp Tayyip Ärdoğan Üzbäkstanda matbuğat oçraşuında yaña maqsatlar turında söyläde

1804057
"Säwdä äyläneşen 10 milliardqa citkeräçäkbez"

İlbaşı Räcäp Tayyip Ärdoğan Törkiyä belän Üzbäkstan arasında säwdä äyläneşeneñ 2021nçe yılda 72%qa yaqın artıp 3,6 milliard dollardan uzuına iğ’tibarnı cälep itte. Kiçä ul wazıyfadaşı Şäwkät Mirziyoyıvnıñ çaqıruı buyınça Üzbäkstanğa säfär yasadı. Anda 10 kileşüne imzalağannan soñ urtaq matbuğat oçraşuı uzdırdılar.  

Ärdoğan bıyıl Törkiyä belän Üzbäkstan arasında diplomatik mönäsäbätlär urnaştırunıñ 30 yıllığın bilgeläp ütülären xäterlätte häm bolay dide: “Oçraşularıbız näticäsendä illärebez arasındağı mönäsäbätlärne külämle strategik xezmättäşlek däräcäsenä citkerdek. Säwdä äyläneşebez bıltır 72%qa yaqın artıp 3,6 milliard dollardan uzdı. Tiz arada ber yıllıq maqsatnı bilgelädek. “5 milliardqa yaqınlaşaçaqbız” dibez. Monıñ belän genä qalmayaçaq, soñınnan plankanı 10 milliard dollar däräcäsenä mengeräçäkbez”.



Bäyläneşle xäbärlär