Qazaqstanda Rusiyägä qarşı imza cıyalar

Qazaqstanda Rusiyäneñ Ukrainağa xärbi tıqşınuın tuqtatu öçen imza cıyu kampaniyäse başlandı. Cirle mediada çıqqan xäbärlärgä qarağanda, anı ilneñ keşe xoquqları häm süz irege mäydanında êşçänlek alıp baruçı ictimağıy oyışmalar başlıy.

Kampaniyä qısalarında yasalğan belderüdä bolay diyelä: “Bez Qazaqstan xalqı basıp alular häm bäysez däwlätlärneñ cir bötenlegen bozularğa qarşı”.

İmza cıyu êşçänlegendä Rusiyäneñ Ukrainağa xärbi tıqşınuı tänqıyt’länä.  

 “Ukraina xalqı öçen borçıluçı Qazaqstan watandaşları fikerlären belderü xoquqına iyä bulırğa tiyeş. Şulay itep xalıqara cämäğat’çelekkä teläktäşlegebezne belderäbez häm bäysez Ukraina cirlärennän Rusiyä qorallı köçläreneñ çığarıluın taläp itäbez,”-diyelä belderüdä

Qazaqstannıñ Almata şähärendäge Rusiyä konsullığı qarşında kiçä Ukrainağa teläktäşlek mitingı uzdı. Poliśiyä älege çarağa qarşı köç qullandı.