Azärbaycan 8 ğaskärine Ärmänstanğa qaytardı

Azärbaycan äsir, xäbärsez yuğalğan häm totıq itep alınğan watandaşlardan cawaplı däwlät komitetınnan yasalğan belderüdä kire qaytarılğannarnıñ 16nçı noyabr’dä ike il çigeneñ Kälbäcär yünäleşendä provokaśiya kereşüen yasağan çaqta qulğa alınğan xärbilär buluı turında äytelde.

Belderüdä şuşı adımğa cawap itep Ärmänstan tarafınıñ da 1nçe Qarabax suğışında üterelgän häm kümäk qaberlärgä cirlänüe isäplänelgän Azärbaycan tınıç xalqı (grajdannarı) häm xärbiläre turında, ayıruça kümäk qaberlärneñ urınnarı belän bäyle mäğ’lümatlärne Azärbaycanğa birüe zarurlığı citkerelde.

Azärbaycan İlbaşı İlham Aliyev, Ärmänstan Baş ministrı Nikol Paşinyan, Franśiya İlbaşı Êmmanuêl Makron häm Awrupa Berlege Şurası başlığı Çarl’z Mişel’ belän 4nçe fevral’dä ütkärelgän dürt yaqlı video konferenśiyädä 1nçe Qarabax suğışında xäbärsez yuğalğan Azärbaycan watandaşlarınıñ torışı kön tärtibenä kilgän, Paşinyan isä bu mäs’älädä xezmättäşlek itärgä wäğ’dä itkän ide. Franśiya İlbaşı Makron da bu mäs’äläne yaqlap çıqqan ide.