Nazarbayıvnıñ wäqalätläre alındı

Qazaqstan senatı ilneñ berençe ilbaşı belän bäyle qanunğa tözätmälärne qabul itte

1769306
Nazarbayıvnıñ wäqalätläre alındı

Qazaqstannıñ berençe ilbaşı Nursoltan Nazarbayıvnıñ İminlek şurası häm Xalıq assambleyasındağı ğomerlek räis wäqalätläre beterelde. Parlamentnıñ yuğarı palatası Senat atnalıq ğomumi cıyılışında Nazarbayıvnıñ säyäsi wäqalätlären üz êçenä aluçı qanun ölgesendäge tözätmälärne qabul itte. Senatorlar anı bertawıştan rasladı. Ber atna êlek qanun ölgesen parlamentta qaradılar häm deputatlar qabul itkännän soñ ul senatqa kertelde.

Nursoltan Nazarbayıv Qazaqstan belän yaqınça 30 yıl idarä itkännän soñ 2019nçı yılda ilbaşı wazıyfasınnan kitte. Şulay da, ul ilneñ İminlek şurası, Xalıq assambleyası häm Nur Otan partiyäsendäge citäkçelegen däwam itte.

Nazarbayıv İminlek şurası räise wäqaläten ildä bıyıl bulğan rizasızlıq waqıyğalarınnan soñ ilbaşı Qasıym Cömärt Tokayevqa tapşıruın belderde.



Bäyläneşle xäbärlär