Tatar: “İke suveren däwlät säyäsäten alıp barabız”
Tön’yaq Kipr Törek Cömhüriyäte İlbaşı Ärsin Tatar Kiprda ike ayırım suveren tigez däwlätneñ qabul itelüe mäs’äläsendä säyäsät alıp baruların, êlek bulğanı kebek federaśiya söyläşülärendä qatnaşmayaçaqların belderde
Matbuğatqa yasağan açıqlawında Kiprda çişeleş öçen härwaqıt xezmättäşlek yaqlı buluların, Kiprda 60 yıl buyı ike ayırım xalıqnıñ häm däwlätneñ buluın belderüçe Tatar: "Räsmi söyläşülär barışına uza aluıbız öçen Törkiyäneñ tulı yaqlawı belän dä Kiprda ike ayırım severen tigez däwlätneñ qabul itelüe mäs’äläsendä säyäsät alıp bardıq. Êlek bulğanı kebek federaśiya söyläşülärendä qatnaşmayaçaqbız”, - dip äytte.
Kiprda federal’ räweşendäge modelneñ 50 yıl buyı söyläşelüenä häm bernindi näticä alınmawına basım yasawçı Tatar: "Kiprda ike tigez möstäqıyl’ däwlät häm tigez xalıqara status prinśipları qabul itelmiçä urtaq nigez bulmayaçağın häm bu räweşle räsmi söyläşülär barışına başlana alınmaçağın Berläşkän Millätlär Oyışması ğomum särkätibe Antonio Guterreş tä kürä. Guterreş ni çaqlı ğına tarafsız xäräkät itärgä tırışsa da xäzerge waqıtta urtaq nigez bulmawın raslawı bezneñ cähätebezdän qanäğätländererlek”, - dip bäyäläw yasadı.
"Bezneñ möstäqıyllegebez kim digändä kipr grekları qadär legal”, - dip äytüçe Tatar Kipr grek tarafınıñ berdäm suverenitet noqtasında üz süzendä toruın, Kipr greklarınıñ xıyalında Kipr törekläreneñ üz däwlätlärennän waz kiçep, Kipr grek däwlätenä äylängän "Kipr Cömhüriyäte”nä integraśiyälänelüe buluın äytte.
