Azärbaycanda qanlı ğıynwar’ qorbannarı iskä alına

Azärbaycanda bäysezlekneñ simvolına äylängän häm “qanlı ğıynwar’” dip tarixqa kerep qalğan 20nçe ğıynwar’ ütereşeneñ qorbannarı iskä alına

1765854
Azärbaycanda qanlı ğıynwar’ qorbannarı iskä alına

Azärbaycanlılar 1990nçı yılda yäşängän küpläp üterüdä häläq’ buluçılarnı iskä alu öçen Baqı şähitlär alleyasında cıyıldı. Qar yawına qaramastan meñnärçä keşe şähitlär ziratına kilde. Käberlärgä qanäfer çäçäkläre salındı, şähitlär öçen doğalar qılındı.

İlbaşı İlham Aliyev ta xäläl cefete Mihriban Aliyeva belän bergä Şähitlär alleyasına kilde. Aliyev Mäñgelek ut häykälenä çäçäk bäylämnären saldı.

İl külämendä cirle waqıt belän säğät’ 12:00dä böten şähitlär öçen ber minutlıq tın alındı.

Azärbaycan tışqı êşlär ministrlığı "Qanlı ğıynwar’” waqıyğalarınıñ 32 yıllığı mönäsäbäte belän belderü yasadı.

"Qanlı ğıynwar’” waqıyğalarınıñ 20nçe ğasırnıñ iñ qurqınıç cinayätlärennän berse buluı äytelgän belderüdä yäşängännärgä älegä xalıqara säyäsi häm xoquqi bäyäläwneñ yasalmawına basım yasaldı.

"Bu cinayät öçen turıdan-turı êlekke sovet citäkçelege cawaplı. Xalıqara xoquqqa kürä, 20nçe ğıynwar’ waqıyğaları keşelekkä qarşı cinayät itep klassifikaśiyälänä, zakaz birüçeläre häm başqaruçıları xökemgä tartılırğa tiyeş”, - dip äytelde.

Ärmännärneñ artqan cir taläplärenä häm sovet citäkçelegenä reakśiyälären kürsätergä telägän meñnärçä azärbaycan 1990nçı yıl başında Baqınıñ Azatlıq mäydanında cıyıla häm ozaq waqıtlı mitinglarğa başlıy.

Uram cıyınnarın tarqatu maqsatınnan çığıp 20nçe ğıynwar’da Baqınıñ törle urınnarına kergän 26 meñ keşelek sovet armiyası xatın-qızlar häm balalar belän bergä tınıç xalıqtan 147 keşene üterä, yözlägän keşene yaralıy.

Şähitlär yözlärçä meñ keşe qatnaşuında küz yäş’läre êçendä qızıl qanäfer çäçäkläre belän bügenge iseme belän Şähitlär alleyası”nda cirlänä.

Azärbaycannar 32 yıl buyı här 20nçe ğıywar’da qullarında "20nçe ğıynwar’” qorbannarınıñ simvolına äylängän qanäfer çäçäkläre belän şähitlär ziratına bara.



Bäyläneşle xäbärlär