Qazaqstanda yuğaltular açıqlandı

Qazaqstannıñ baş prokurorı Särik Şalabayev ildäge çualışlar waqıtında 225 keşeneñ ğomere özelüen belderde. Şularnıñ 19ı xoquq saqlawçılar.

Şalabayev matbuğat cıyılışında bolay dip söyläde:

“Morglarğa 225 mäyet tapşırıldı, aralarında 19 poliśiyä xezmätkäre häm xärbi bar. 4353 keşe yaralandı, şularnıñ 3393e tärtip saqlawçılar”.

Sälamätlek saqlaw ministrlığı süzçese Asel Artakşinova isä 225 ülem oçrağınnan 175eneñ sälamätlek saqlaw üzäklärendä terkälüen belderde.

İsegezgä töşeräbez: Qazaqstanda 2nçe ğıynvarda sıyıqlaştırılğan neft’ gazına bäyä artu häm sośial’-iq’tisadi wäzğıyät’neñ naçarayuı säbäple protest çaraları başlandı. Anıñ kiñ taraluı näticäsendä 3 şähär häm 14 töbäktä ğadättän tış xäl kertelde.

İlbaşı Tokayev 11nçe ıynvarda parlamentta yasağan çığışında isä ildä konstituśion tärtip täêmin itelüen citkerde.