Törki däwlätlär oyışması Qazaqstanğa yaqlawın täqrarladı

Törki däwlätlär oyışması äğ’zase häm küzätüçe däwlätlärneñ tışqı êşlär ministrları Qazaqstandağı täräqqıyätlärne bäyäläw öçen onlayn bularaq çirattan tış cıyılğannan soñ yazma belderge yasadı.

Qazaqstanğa häm ilneñ qardäş xalqına bulğan täwäkkäl yärdäm häm teläktäşlek yañadan raslanğan beldergedä töbägendä häm ar’yağında totrıqlılıq häm iminlek öçen bik zur ähämiyätkä iyä bulğan Qazaqstannıñ tınıçlığı häm totrıqlılığınıñ möhimlegenä basım yasaldı.

Beldergedä, tormışnı qurqınıç astına quyğan, cämäğät tärtiben bozğan häm milekkä zıyan kitergän qırıslıq häm cimergeç ğamällär gäyeplänep, qazaq räsmiläreneñ cämäğät tärtiben häm ğadäti tormışnı aşığıç räweştä torğızu sälätenä bulğan ışanıçqa basım yasaldı.

Xalıqara xoquqnıñ töp normaların häm nigezlären yaqlawnıñ möhimlegenä işara itelgän beldergedä Qazaqstan citäkçelegeneñ ildä konstituśion tärtipne bozunı maqsat itep alğan terrorçılarğa, radikal’ törkemnärğä, êkstremistlarğa häm kriminallarğa, cinayätçelärgä qarşı terrorçılıq belän köräş operaśiyälärenä yaqlaw citkerelde.

Qazaqstan İlbaşı Toqayevneñ qardäş Qazaqstan xalqınıñ mullığın arttıraçaq reforma kön tärtibenä yaqlaw da telgä alınğan beldergedä mäs’älä belän bäyle bularaq yaqın xezmättäşlek urnaştıru häm kiñäşläşü mäs’äläsendä kileşügä ireşelüe iskärtelep uzıldı.

Qazaqstan – Törki däwlätlär oyışmasınıñ Azärbaycan, Törkiyä, Qırğızstan häm Üzbäkstan belän bergä 5 äğ’zase arasında.

Oyışmanıñ küzätüçe äğ’zaläre arasında isä Törekmänstan häm Macarstan (Vengriya) bar.

Qazaqstanda 2nçe ğınwar’da sıyıqlaştırılğan gaz bäyäseneñ arttırıluı häm sośial’-iq’tisadi wazğıyätneñ naçarayuı säbäbe belän başlanğan rizasızlıq uram cıyınnarında iminlek xezmätkärläre belän bergä distälärçä keşeneñ ğomere özelgän ide.

Qazaqstan İlbaşı Toqayev protestlardan cawaplı totqan xökümätneñ wazıyfadan kitüen qabul itkän ide.

Rizasızlıq çaralarınıñ cäyelüe näticäsendä il külämendä ğadättän tış xäl iğ’lan itelgän ide.