Qazaqstan başqalasında tormış ğadättän tış xäl şartlarında däwam itä

Nursoltanda qırqınıçsızlıq çaraları arttırıldı

1759275
Qazaqstan başqalasında tormış ğadättän tış xäl şartlarında däwam itä
kazakistan.jpg
kazakistan1.jpg
kazakistan2.jpg

Qazaqstan başqalası Nursoltanda tormış ğadättän tış xäl şartlarında däwam itä.

Başqalada qırqınıçsızlıq çaraları arttırıldı.

Şähärdä barlıq räsmi däwlät binaları häm sośial’ ob’yektlar ,ayıruça Akorda ilbaşı sarayı, köne - töne maxsus operaśiya köçläre belän saqlana.

Başqalanıň barlıq kerü-çığu yullarında poliśiya tikşerü punktları budırılğan.

Şähärdä, marketlardan tış, zur säwdä häm küňel açu üzäkläre, kafe häm restorannar yabıq.

Tönge 23 .00 säğät’tän irtänge 7.00 gä qadär komendant säğäte kertelgän Nursoltan poliśiya tarafınnan qatğıy kontrol’dä totıla.

19 nçı ğınwarğa qadär ğadättän tış xäl iğ’lan itelgän şähärdä bäreleşlär küzätelmi, wazğıyät’ totrıqlı.

Qazaqstanğa nigez saluçı ilbaşı Nursoltan Nazarbayevnıň üz ilennän kitüe turındağı däğ’walarnıň çınbarlıqnı çağıldırmawı belderelä.

Nazarbayevnıň süzçese Aydos Ukibay üzeneň tvitter akkauntında Nazarbayevnıň başqalada buluın, kiňäşmälär ütkärüen , ilbaşı Kasım Cömärt Tokayev belän turıdan - turı êlemtädä toruı turında yazdı.

Nursoltan Nazaerbayev xalıqnı xäzerge qyınlıqlarnı ciňär öçen häm ilneň bötenlegen täêmin itü öçen ilbaşı Tokayev tiräsendä berläşergä öndäde.

 



Bäyläneşle xäbärlär