4 qırım tatarı - Rusiyäneñ xärbi mäxkämäsendä

Rusiyäneñ Rostov-na-Donu şähärendä xärbi mäxkämädä 4 qırım tatarı terrorçılıqta ğayeplänep 12 yıldan 17 yılğa qadär räşätkä artına xökem itelde. Bu xaqta Ukraina parlamentı keşe xoquqları komitetı räise Lyudmila Denisova belderde.

Mäxkämä Säyetömär Säyetömärovnı 17 yılğa, Osman Säyetömärovnı 14 yılğa, Röstäm Säyetmämätovnı 13 yılğa häm Amät Söläymanovnı 12 yılğa xökem itte.

Ukraina tışqı êşlär ministrı urınbasarı Äminä Cäppar Twitterdan yasağan belderüendä qırım tatarlarınıñ yarımutrawda sistemalı bularaq solımğa, êzärlekläwlärgä duçar buluın äytte. Ul millättäşläreneñ absurd ğayepläwlär belän ozaq waqıtqa törmägä kerüen häm mäxkämäneñ qanunsız qararın tänqıyt’läwlären citkerde.

Cäppar, monnan tış, älege qararğa protest beldergän 30 aktivistnıñ saq astına alınuın da belderde. Alarnıñ ikese jurnalist.