Ärdoğan Üzbäkstan liderın qotladı

Törkiyä ilbaşı Räcäp Tayyip Ärdoğan Üzbäkstan däwlät başlığı Şäwkät Mirziyoyev belän telefonnan söyläşte.

Räsmi çığanaqlardan alınğan mäğ’lümatlarğa qarağanda, Ärdoğan Mirziyoyevnı Üzbäkstanda qabat ilbaşı bularaq saylanuı belän täbrik itä, saylaw näticäläreneñ qardäş üzbäk xalqı öçen xäyerle buluın teli.  

Törkiyä liderı köçen urtaq tarix häm mädäniyättän aluçı ike däwlät arasındağı mönäsäbätlärneñ yaña çorda tağın da nığıyaçağına, strategik xezmättäşläkneñ teläktäşlek häm êçkersezlek belän tağın da üsäçägenä ışanuın belderde.

Söyläşüdä, monnan tış, Törkiyä belän Üzbäkstan arasında êlemtälärneñ regiondağı iminlek, totrıqlılıq häm alğarışqa öleş kerterlek itep här mäydanda üsterü öçen tırışaçaqları da äytelde.