Azärbaycan Ärmänstan hawa kiñlegen qullana başladı

“AZAL” Azärbaycan hawa yulları oçqıçı Baqı-Naxçıvan arasındağı oçışın Ärmänstan hawa kiñlegen qullanıp başqardı

1715634
Azärbaycan Ärmänstan hawa kiñlegen qullana başladı

“AZAL” tarafınnan yasalğan belderüdä Baqı-Naxçıvan êçke reysların başqaruçı oçqıçlarnıñ bügennän soñ Ärmänstan hawa kiñlegen qullana başlawı citkerelde. Belderüdä bu adımnıñ Azärbaycannıñ töbäktäge transport êlemtäsen açuğa qağılışlı täwäkkällegen kürsätüe, böten çik buyı däwlätläreneñ mänfäğätlärenä turı kilüe iskärtelep uzıldı.

Belderüdä: "Baqı-Naxçıvan oçışınıñ marşrutınıñ üzgärtelüe oçış waqıtın häm yağulıq qullanuın azaytaçaq. Bu räweşle “AZAL” şuşı oçış waqıtında Ärmänstannan häm İrannan uzğan koridorlar belän dä bergä xäzerge böten hawa koridorların qullana ala,” – dip äytelde.

Baqı-Naxçıvan reysı moñarçı İran aşa yasala ide.



Bäyläneşle xäbärlär