Binalarda Azärbaycan bayrağı tösläre

Baqınıñ tanılğan qorılmaları Azärbaycan bayrağınıñ tösläre belän bizälde

1711558
Binalarda Azärbaycan bayrağı tösläre

Azärbaycanda Ärmänstan okkupaśiyäsendäge cirlärneñ azat itelüe öçen 2020nçe yılnıñ 27nçe sentyabr’ könne başlatılğan 44 könlek suğışnıñ ber yıllığında şähitlärneñ xatiräsenä başqala Baqınıñ tanılğan qorılmalarına Azärbaycan bayrağı çağıldırıldı, hawağa teläk şarları oçırtıldı.

Azärbaycanda kiçä Şähitlärne iskä alu çaraları oyıştırıldı.

Baqınıñ yaña miğmari simvollarınnan Flame Towers häm Xäydär Aliyev üzäge il bayrağınıñ tösläre belän yaqtırtıldı.

İlbaşı İlham Aliyev tarafınnan nigeze salınğan Watan suğışı häykäle belän Ciñü muzeyınıñ mäydanında şähitlärneñ istälegenä yaqınça 3 meñ teläk şarları hawağa oçırtıldı.

2nçe Qarabax suğışında Azärbaycan ğaskäre 2 meñ 907 şähit birgän ide. İlbaşı Aliyev operaśiya başlanğan 27nçe sentyabrne "Şähitlärne iskä alu köne” dip iğlan itkän ide.



Bäyläneşle xäbärlär