Qazaqstanda - matäm

İl 26nçı avgustta bulğan waqıyğada 13 keşeneñ hälaq buluı öçen qayğı êçendä

1699179
Qazaqstanda - matäm

Qazaqstanda xärbi qoral skladında çıqqan şartlawda 13 keşeneñ hälaq buluı säbäple bügen milli matäm iğ’lan itelde. İl külämendä bayraqlar yartılaş töşerelde. Televideniye kanalları häm radio tapşırularında küñel açu programmaları yuq. Räsmi däwlät säxifälären dä kertep xäbär agentlıqlarınıñ internet bitläre aqlı-qaralı töslärdä.  

Qazaqstanda iğ’lan itelgän matäm säbäple Törkiyäneñ Nur Soltan ilçelege dä “Qardäş qazax xalqı belän teläktäşlek nigezendä ilçelektäge bayrağıbıznı yartılaş töşerdek” digän belderü yasadı.

İsegezgä töşeräbez, 26nçı avgustta cirle waqıt belän säğat’ kiçke 7lär tiräsendä Cambıl töbäge Bayzakov rayonında xärbi berlekneñ qoral saqlağıçında başta yanğın çıqtı, annan şartlawlar buldı.

Räsmi çığanaqlarğa qarağanda, ber-ber artlı bulğan şartlawlarda xärbi xezmätkärlär häm qotqaru törkemennän 13 keşeneñ ğomere özelde. 90 keşe isä yaralandı.



Bäyläneşle xäbärlär