Qazaqstan Törkiyä belän mönäsäbätlären här ölkädä üsterergä teli

Qazaqstannıñ Änkara tulı wäqalätle ilçese Abzal Saparbäkulı Törkiyäneñ Qazaqstanğa iñ küp kapital salğan berençe 10 il arasında buluın belderep: "Törkiyä Qazaqstannı könçığışqa açılğan qapqa, Qazaqstan da Törkiyäne könbatışqa, Yaqın Könçığışqa, Afrikağa açılğan qapqa bularaq kürä”, - dip äytte.

Saparbäkulı ilçelektä matbuğat wäkillärenä yasağan belderüendä: "Qazaqstan Törkiyä dä ähämiyät birgän urta koridornı tağın da qamilläşterergä teli”, - dip iskärtep uzdı.

Bu mäs’älädä Törkiyä, Qazaqstan häm Azärbaycan kebek illär qatnaşuında cıyılış ütkäreläçägen äytüçe Saparbäkulı: "Maqsatıbız Qazaqstan-Törkiyä mönäsäbätlären här ölkädä üsterü. Uzğan yılda Qazaqstandağı törek investiśiyäläre öçen bik möhim yıl buldı. 2019nçı yılda bäysezlek tarixınıñ iñ zur törek kapitalın cälep itkän Qazaqstanda bu rekord uzğan yılda yaña tör koronavirusqa (Kovid-19ğa) qaramastan şulay uq quyıldı”, - dip citkerde.

Törkiyäneñ Qazaqstanda iñ küp kapital salğan berençe 10 il arasında buluın äytüçe Saparbäkulı: "Törkiyä Qazaqstannı könçığışqa açılğan qapqa, Qazaqstan da Törkiyäne könbatışqa, Yaqın Könçığışqa, Afrikağa açılğan qapqa bularaq kürä”, - dip belderde.

Saparbäkulı Malatiya, Kaysäri, Kon'ya häm Märsin kebek şähärlärdä urnaşqan qayber firmalarnıñ Qazaqstanda bıyıl 10 êşxanä açuın kötülären iskärtep uzdı.