Tatarstanda matäm köne / Тaтaрстaндa мaтәм көнe
12nçe mayda Tatarstanda matäm köne iğ’lan itelde
“Tatar-inform” agentlığı xäbär itüençä, Qazannıñ 175nçe mäktäbenä höcüm waqıtında häläq bulğan keşelärne bügen 12nçe mayda cirlilär.
Kiçä 11nçe may könne Qazanda yäşäwçe 19 yäş’lek yeget mäktäptä atış oyıştırdı. Tuğız keşe faciğa qorbanı buldı. Bu – cide bala, ike uqıtuçı. 21 keşe yaralandı, alar xastaxanädä.
Höcüm itüçe totqarlandı, cinayät’ êşe açıldı.
Qazandağı 175 nomerlı şähär gimnaziyasendäge faciğa belän bäyle bularaq bügen Tatarstanda matäm köne iğ’lan itelde.
Barlıq mädäni-tamaşa çaraları ğamäldän çığarıldı.
Mädäniyät yortlarında häm şähär sänğät’ mäktäplärendä tügäräklär êşe dä tuqtatıla. Muzeylar häm Qazan zooparkı ştatlı rejimda êşli, ämma şäxsi êkskursiyälär bulmıy.
Kitapxanälär bu könnärdä barı tik kitap birü öçen genä êşläyäçäk.
Şähär parklarında häm skverlarında planlaştırılğan çaralar başqa könnärgä küçerelgän. Çaralar uzdırunıñ yaña dataları turında östämä räweştä xäbär iteläçäk.
