"Ӓrmӓnstan xalıqara mӓxkӓmӓlӓrdӓ cawap birӓçӓk"

Bu xaqta Azӓrbaycan ilbaşı İlham Aliyev belderde

1625152
"Ӓrmӓnstan xalıqara mӓxkӓmӓlӓrdӓ cawap birӓçӓk"

Azӓrbaycan ilbaşı İlham Aliyev dӓwlӓt televideniyesenӓ birgӓn interv’yusında Ӓrmӓnstan yawınnan qotqarılğan töbӓklӓrdӓ başlanğan tözeklӓnderü êşçӓnleklӓren aňlattı.

Suğıştan soň tınıç xalıqtan 100 dӓn kübrӓk keşeneň Ӓrmӓnstannıň basıp alğan dӓwerdӓ urnaştırğan minaları şartlaw nӓticӓsendӓ ğomeren yuğaltuın hӓm yaralanuın belderde, Ӓrmӓnstannıň mina kartaların birmiçӓ suğış cinayӓte êşlӓwen citkerde.

İlham Aliyev asqorma hӓm tözeklӓnderü êşçӓnleklӓre belӓn bergӓ yuğaltularnı isӓplӓwneň dӓ dӓwam itüen hӓm bu barışta çit il belgeçlӓreneň dӓ qatnaşuın ӓytep uzdı.

“Bezneň maqsatıbız – Ӓrmӓnstannı xalıqara mӓxkӓmӓlӓrgӓ kiterü. Ӓlbӓttӓ, bez monı êşlӓyӓçӓkbez, çit il belgeçlӓre bezgӓ bu êştӓ bulışaçaq. Bezneň tabiği çığanaqlarnı qanunsız qullanğan Ӓrmӓnstan hӓm çit il partnyerları xalıqara mӓxkӓmӓlӓrdӓ cawap birӓçӓk. Çönki tabiği baylıqlarıbıznı xoquqsız, zakonsız rӓweştӓ qullanu  xalıqara cinayӓt’ hӓm bu yünӓleştӓ cinayӓt’ êşe quzğatıldı. Bu êşkӓ çit illӓrdӓge partnyerlarıbız da quşıldı” dide Azӓrbaycan ilbaşı İlham Aliyev.  



Bäyläneşle xäbärlär