Русия Кырымoглуның Кырымгa кeрү тыюын oзынaйткaн / Rusiyä Qırımoğlunıñ Qırımğa kerü tıyuın ozınaytqan

Rusiyä qırım tatar xalqınıñ milli liderı häm Ukraina xalıq ışanıçlısı Mostafa Abdülcämil Qırımoğlunıñ Qırımğa kerü tıyuın 2034nçe yılğa qadär ozınaytqan

1597848
Русия Кырымoглуның Кырымгa кeрү тыюын oзынaйткaн / Rusiyä Qırımoğlunıñ Qırımğa kerü tıyuın ozınaytqan

Русия кырым тaтaр xaлкының милли лидeры һәм Укрaинa xaлык ышaнычлысы Мoстaфa Aбдүлҗәмил Кырымoглуның Кырымгa кeрү тыюын 2034нчe елгa кaдәр oзынaйткaн.

Advokat Nikolay Polozov Qırımğa bäyle Arm’yansk şähärendä Qırımoğlu belän bäyle mäxkämä utırışı waqıtında Rusiyä Federal’ İminlek xezmäteneñ (FSB) Qırımoğlunıñ yarımutrawğa kerü tıyuın 2019nçı yılnıñ 5nçe mart könne 15 yılğa ozınaytuınıñ bilgele buluın citkerde.

Qırımoğlu: "Qararnıñ praktikada bernindi mäğ’näse yuq. Çönki 2034nçe yılda min dä, okkupaśiya da yuq bulaçaq. Alarnıñ niyätläreneñ minem mäyetemne anda kertmäw, dip uylıym. Sovetlar Berlege waqıtında da şulay ide, totqın törmädä ülgän çaqta möddäte betkänçegä çaqlı mäyeten birmilär ide, bu qarar da moña oxşıy”, - dip äytte.

Rusiyä Qırımnı häm Sivastopolne (Aq’yarnı) 2014nçe yılda qanunsız räweştä üz cirlärenä quşa. Qırım tatarları arasında potenśial’ qurqınıç dip kürengännär törmägä utırtıla häm yarımutrawğa kerüe tıyıla.

Qırım tatar xalqınıñ liderı Mostafa Abdülcämil Qırımoğlu häm qırım tatarlarının iradäsen wäkillek itüçe Qırım Tatar Milli Mäcleseneñ başlığı Räfat Çubarovqa yarımutrawğa kerü tıyıla.

Qırım Tatar Milli Mäclese "êkstremistik oyışma" qısasına kertelep, êşçänlege tıyıla, Mäcles belän turıdan-turı bağlanışı bulğan 2 meñ 500 tatar häm alar belän bäyläneşe bulğan härkem "êkstremistik oyışma äğ’zase” statusına alına.

Rusiyä citäkçelegeneñ basımı arqasında meñnärçä qırım tatarı yarımutrawnı taşlap kitärgä mäcbür bula.

Yarımutrawda qırım tatar xalqınıñ öylärenä, mäçetlärgä, balalar baqçalarına tentülär häm “terror oyışması äğ’zase” buluda gäyeplänep qulğa alular däwam itä.



Bäyläneşle xäbärlär