Törkiyä Sämärqandta baş konsullıq aça

Törkiyäneñ Taşkent tulı wäqalätle ilçese Olgan Bäkar Sämärqandta açılaçaq baş konsullıq belän bäyle bularaq: "Törkiyä Cömhüriyäte Üzbäkstannıñ bäysezlegen 1991nçe yılda berence bulıp tanığan il bularaq ber ük waqıtta Taşkentta berence ilçelegen açqan däwlät. Şuşı tarixi cawaplılıq belän Törkiyä Üzbäkstanda baş konsullıq açu qararın berence bulıp qabul itkän il buldı”, - dip äytte.

Üzbäkstanğa yaña ilçe bulıp bilgelängän Bäkar Tışqı êşlär ministrı Mäwlüt Çavuşoğlu qatnaşuında 7nçe martta açılışı bulaçaq Sämärqand baş konsullığı belän bäyle açıqlawlar yasadı.

Olgan Bäkar, Törkiyä belän Üzbäkstan mönäsäbätlärendä İlbaşı Räcäp Tayyip Ärdoğan häm Üzbäkstan İlbaşı Şäwkät Mirziyoyevneñ liderlıqlarında zur adımnar yasaluına basım yasap: "Sämärqandta açılaçaq Törkiyä Cömhüriyäte baş konsullığı ike yaqlı mönäsäbätlärebezdä yäşängän şuşı uñay barışta yaña êtap bulaçaq. Säyäsi, iq’tisadi, mädäni, säwdä häm keşe mönäsäbätlärebez belän bergä böten ölkälärdä köçle qardäşlek bağlanışlarına tayanğan strategik urtaqlıq däräcäsendäge ike il mönäsäbätlärenä möhim öleş kertäçäk. İke qardäş il arasında diplomatik mönäsäbätlärneñ urnaştırıluınıñ 29 yıllığında Sämärqand baş konsullığıbıznıñ açılışınıñ söyeneçen birü dä bezgä ayıruça qanäğätlelek birä”, - dip äytte.

Tulı wäqalätle ilçe Bäkar: "Üzbäkstan häm Törkiyä arasındağı daimi duslıq häm qardäşlek bağlanışlarınıñ bilgese bulaçaq Sämärqand baş konsullığıbıznıñ bezneñ ike yaqlı mönäsäbätlärebezgä häm bezneñ xalıqlarıbızğa qimmätle xezmätlär kürsätäçägenä çın küñeldän ışanam”, - dip äytte.