10 azärbaycanlı xärbi däwalanu öçen Törkiyägä kilde

Tawlı Qarabaxtağı suğışta yaralanğan 10 azärbaycanlı xärbi däwalanu öçen Törkiyägä cibärelde. Azärbaycanda şähit ğailäläre häm suğış invalidlarınıñ problemaları belän şöğıl’länüçe “Yaşat fondı” bu xaqta belderü yasadı.

Azärbaycan tabiblarınıñ kiñäşe belän 10 yaralınıñ däwalanuı häm reabilitaśiyä prośessı Törkiyädä däwam itäçäk.

“Yaşat fondı” monnan soñ ixtiyac bulğanda awır yaralı xärbilärne däwalaw öçen çit ilgä cibäräçägen belderde.  Oyışma monnan alda da 3 veterannı Törkiyägä sixätlänergä kitergän ide.