Törkiyä Kipr töreklärenä tağın 40 meñ doza vakśina cibärde

Törkiyä koronavirus belän köräş qısalarında Tön’yaq Kipr törek cömhüriyätenä tağın  40 meñ doza Sinovak vakśinası cibärde. Älege ilneñ sälamätlek saqlaw ministrı Ali Pilli härwaqıttağı şikelle kizü çorında da yasalğan yärdäm öçen räxmätlären citkerde.

“Dön’yada bu qadär qıyınlıqlar bulğanda, vakśina alu bu qadär awır waqıtta Törkiyä härwaqıt bezneñ yanıbızda buldı, vakśina mäs’äläsendä dä bezne yalğız qaldırmadı. Xäzerge waqıtta Törkiyädän tulayım 80 meñ vakśina kilde, 40 meñen qadadıq, aldağı könnärdä yaña kilgän 40 meñ vakśinanı da tärtip belän qadayaçaqbız,”-dide ul.

Pilli vakśinalaştıru planınıñ sistemalı räweştä däwam itüen äytte. Başta mediśina xezmätkärläre häm 65 yäş’tän ölkännärgä qadağannar. Ministr tärtip belän ilneñ bar xalqın vakśinalaştıraçaqların belderde.

Ul vakśina belän kizüne kontrol’gä alırğa häm aprel’dä böten tarmaqlarnı açarğa maqsat itep quyuların äytte.