İlçelär ärmännär cimergän şähärlärgä bardı

Azärbaycandağı diplomatik missiyä wäkilläre öçen bu şaqqatqıç säfär bula

1578625
İlçelär ärmännär cimergän şähärlärgä bardı

Azärbaycandağı çit il däwlätläreneñ ilçeläre, xärbi attaşe häm xalıqara oyışmalarnıñ wäkilläre Ärmänstan yawınnan qotqarılğan Cäbrail häm Zängilan rayonnarına säfär qıldı. Alarnı ilbaşı kiñäşçese Xikmät Xaciyev ozatıp yörde.

Delegaśiyä ärmännär tarafınnan başqarılğan yuq itüne, taş öyeme xälenä kilgän şähär häm awıllarnı, cimerelgän tarixi häykällär häm ziratlarnı kürde. Säfärdä Törkiyäne Baqıdağı ilçe Ärkan Özoral wäkillek itte.

İlçelär Cäbrail rayonında İran çige belän yänäşä Aras yılğası östendäge tarixi Xudaferin küperenä bardı.  Soñınnan şähär üzägendäge cimerek kinozalda skripka uynawın tıñladılar. Cäbrail qalası ziratın da kürdelär.

Delegaśiyä Zengilan rayonında da buldı. Azärbaycan ilbaşı kiñäşçese Xaciyev basıp alınğan çorda Ağdam, Cäbrail häm başqa rayonnarda ber genä tözek bina qalmawın, diplomatik missiyä wäkilläreneñ dä mona şahit buluın belderde.

“Bez söyläşkän ilçelär bu cimerüneñ ni öçen başqarıluın añlıy almadı. Basıp alğan ärmännär bu cirlärne qullana ala ide. Alar xätta cirlärdän dä faydalana belmägännär. Berdänber êşläre cimerü häm vandallıq,”-dide Xaciyev.  

Diplomatlardan berse bolay dide: “Ärmännär üzlären bay tarixqa iyä häm mädäni xalıq bularaq tanıta, alaysa nigä bolarnı cimerälär? Xalıqara cämäğat’çelek ärmännär yasağan bu däxşätne üz küzläre belän kürergä tiyeş”.    



Bäyläneşle xäbärlär