7dän 70kä qadärgelär öçen tatar tele kursları

Qazan federal’ universitetı barlıq teläwçelärne tatar telen öyränergä çaqıra

1578577
7dän 70kä qadärgelär öçen tatar tele kursları

Tatarstanda Qazan federal’ universitetında barlıq teläwçelär öçen buşlay tatar tele kursları açıla. Bu xaqta “Tatar-inform” mäğ’lümat agentlığı yazdı. Anda äytelgänçä, däreslär 2021nçe yılnıñ fevralennän may ayına qadär Qazanda, Çallıda häm Alabuğada ütkäreläçäk.  Kurslar 7 yäş’tän 70kä qadärge keşelär öçen isäplängän. Däreslär atnağa ike tapqır, kiçke waqıtta ütkärelä.

“Bez kurs tıñlawçıların yäş’ kategoriyäse buyınça tügel, ä tatar telen belü däräcäse buyınça büläbez. Här törkemdä urtaça alğanda 12 keşe bula. Bu telne öyränü öçen iñ qulay variant,”-dip söyli KFUnıñ Tuqay isemendäge milli mädäniyät häm mäğarif yuğarı mäktäbeneñ ğomumi tel beleme häm tyurkologiyä kafedrası professorı Älfiyä Yunısova.

Kurslarğa 21nçe fevral’gä qadär terkälergä bula.

Êlegräk tatarstanlılarnı “Ana tele” onlayn-mäktäbendä dä uqırğa çaqırğannar ide.



Bäyläneşle xäbärlär