“Mośart”ta üterelgän azerbaycannıñ gäwdäse Baqığa qayttı

Nigeriya sulıqlarında höcümgä duçar bulğan “Mośart” korabınıñ êkipajındağı Azärbaycan keşese Färman İsmailovnıñ gäwdäse Baqığa cibärelde.

Cenaza Gabon başqalası Librevil’dän irtän Törek hawa yulları oçqıçı belän İstanbul aêroportına kiterelde. Soñınnan anı İstanbul-Baqı säfäre yasawçı oçqıçqa küçerdelär.

İsegezgä töşeräbez, Liberiya bayraqlı “Mośart” isemle korab 23nçe ğıynvarda Nigeriyaneñ Lagos şähärenä yaqınça 180 mil’ yıraqlıqta diñgez banditları höcümenä duçar buldı. Köymädäge 19 keşelek êkipajdan berse üterelde, 15e urlandı.