"Tatarmın min, dimä..."

Qazan uramnarın tatarça qanatlı süzlär bizi

1555743
"Tatarmın min, dimä..."

Tatarstan başqalası Qazan uramnarındağı bilboardlarda tanılğan tatar şäxesläreneñ tuğan telgä bağışlanğan qanatlı süzläre häm şiğ’ri yulları päyda buldı. “İntertat” êlektron gazetında yazılğança, proyektnı Tatarstan kitap näşriyatı başqara. Oyıştıruçılar töp maqsatnıñ tatar şäxesläre belän tanıştıru, alarnıñ süzlären kiñ cämäğat’çelekkä citkerü häm tuğan tel belän qızıqsınunı arttıru buluın söyli.

Bannerlar Qazan şähäreneñ iñ xäräkätle urınnarına urnaştırılğan. Mäsälän, alarnı Çistay, Vişnevskiy uramnarında, Yamaşev häm Ciñü prospektlarında, Orenburg traktında kürergä bula.

Bannerlar 2021nçe yıl axırına qadär Qazan uramnarın bizäp toraçaq häm alarnıñ sanın arttıru da küzdä totıla. Oxşaş proyekt Tatarstannıñ başqa şähärlärendä dä bulaçaq.

Bilboardlarda, mäsälän, Şämsiyä Cihangirovanıñ “Tatarmın min, dimä, ğaziz balañ Böyek Tuqay telen onıtsa”, Qayum Nasıyrineñ “Keşe üzeneñ telen yaxşı belmäsä, başqa telgä töşenä almas” süzlären, Tuqaynıñ “Tuğan tel” şiğırennän özek kürergä mömkin.



Bäyläneşle xäbärlär