Qırğızstanda ilbaşına kandidatlar bilgele

İsemlek Üzäk saylaw komissiyäseneñ internet säxifäsendä çıqtı

1544502
Qırğızstanda ilbaşına kandidatlar bilgele

Qırğızstanda 10nçı ğıynvarda uzaçaq ilbaşı saylawları öçen kandidaturasın kürsätkän 63 keşeneñ 18eneñ ğarizası qabul itelde. Bu xaqta Üzäk saylaw komissiyäseneñ internet säxifäsendä belderelde. Anda yazılğança, qırğız telen belüçe, 1 million som (yaqınça 12 meñ dollar) küçergän, minimum 30 meñ imza cıyğan, ğariza häm mäğ’lümat blankın döres itep häm waqıtında tapşırğan 18 kandidat terkälde. Alar arasında êlekkege xökümät räise Sadir Caparov häm êlekkege parlament spikerı Adaxan Mamudarov ta bar.

Üzäk saylaw komissiyäse qararı belän ildä irtä ilbaşı saylawları 10nçı ğıynvarğa bilgelände. Şul uq könne Qırğızstanda idarä ısulın açıqlaw öçen referendum da uzaçaq.

İsegezgä töşeräbez, ildä 4nçe oktyabr’dä parlament saylawları bulğan ide.  Oppoziśiyä partiyäläreneñ tarafdarları tawış birü näticälären ğamäldän çığarunı taläp itte häm rizasızlıq çaraların başlandı. Ämma alar köç qullanu häm çualışlarğa äwerelde: ilbaşı sarayı belän parlament binasın basıp aldılar.

10 kön däwam itkän massaküläm protest çaralarınnan soñ saylaw näticäläre ğamäldän çığarıldı, 3 yıl idarä itkän ilbaşı Sooronbay Cäänbäkov wazıyfasınnan kitte



Bäyläneşle xäbärlär