Azärbaycan şähitläre iskä alınaçaq

Azärbaycan ilbaşı İlham Aliyev cirlären yawdan qotqaru öçen alıp barılğan operaŝiyada şähit bulğan Azärbaycan ğaskärilären irtägä iskä alu qararın qabul itte.

Aliyev imzalağan qararda “Azärbaycan cir bötenlege öçen cannarın fida qılğan Watan suğışı şähitläre 4 dekabr’ könne cirle sägät’ belän 12.00dä iskä alınaçaq” dip äytelä.

Azärbaycan saqlanu ministrlığı älege suğışta 2783 Azärbaycan ğaskäriyeneñ şähit buluın açıqlağan ide.

İlbaşı Aliyev ayıruça başqala Baqıda Watan suğışı häykälen salırğa häm Ciñü muzeyın açarğa qarar birde.

Aliyev Azärbaycan ğaskäriläreneñ tiñsez qaharmanlıqların häm zur tarixi ciñüne kürsätü, şähitlärneñ istälegen yäşätü öçen qorılaçaq Watan suğışı häykäle häm Ciñü muzeyınıñ urının bilgeläw häm proyektlandıru wazıyfasın Mädäniyät ministrlığı häm Baqı vilayät’ idaräsenä tapşırdı.