Azärbaycan ğaskäre Ağdamğa kerde

Azärbaycan saqlanu ministrlığınnan yasalğan belderüdä Azärbaycan belän Ärmänstan arasında Rusiyäneñ aradaşçılığında imzalanğan utnı tuqtatu kileşüe nigezendä Azärbaycan armiyasınıñ Ağdamğa kerüe citkerelde.

Ağdam vilayäteneñ yaqınça 77%lıq öleşe 1993nçe yılda Ärmänstan ğaskäre tarafınnan yawlap alınğan ide.

Okkupaśiya arqasında yaqınça 200 meñ azärbaycan tuıp üskän cirlären taşlap kitärgä mäcbür bulğan ide.

Okkupaśiya çorında ärmännär tarafınnan tar-mar itelgän häm cimerelgän Ağdam şähär üzäge häm awıllarınıñ kübese xäräbälärgä äylängän häm taşlandıq xäldä.

Azärbaycan armiyasınıñ 27nçe sentyabr’dä başlatqan operaśiyädä 5 şähär üzäge, 4 qasaba häm 286 awılnıñ azat itelüennän soñ Ärmänstan ciñelüne qabul itkän, yawlap alğan Ağdam, Laçın häm Kälbäcär vilayätlärennän kitü yöklämäsen dä küz aldında totqan kileşügä qul quyğan ide.