"Kiprda yaña säxifä açırğa  waqıt"

Tön’yaq Kipr törek cömhüriyäte ilbaşı Ärsin Tatarnı Angliya tışqı êşlär ministrı Dominik Raab şaltıratıp saylawda ciñüe belän täbrik itte.

Söyläşüdä Tatar Kiprda ozaq yıllar barğan häm uñışsız bulğan federaśiyä söyläşüläreneñ tögällänüen belderde. Anıñça, çişeleş belän bäyle şablonnardan baş tartıp, başqa säxifä açırğa  waqıt.

Ärsin Tatar, monnan tış, Kipr töreklärenä qarata iskergän häm ğadelsez izolyaśiyäne beterü kiräklegenä basım yasadı. Ul, bigräk tä, turı oçışlar häm sport mäydannarındağı çikläwlärneñ töp keşe xoquqları häm ireklärenä qarşı kilüen dä äytte.

Söyläşüdä Kiprda distälägän yıllar yabıq torğan taşlandıq şähär Maraşnıñ açıluı turında da süz buldı. Ärsin Tatar anı açunıñ BMO qararları häm xalıqara xoquqqa qarşı kilmäwen, küçemsez milekne xucalarına tapşırunı küzallawların belderde.

Ministr Raab isä Angliyäneñ Kiprdağı BMO prośessına yärdäm itärgä xäzer buluın citkerde.